Radio Star 93.2 Mhz

रातो तारा अनलाइनको शुभारम्भ

विराटनगर, जेष्ठ १६ गते । विराटनगरबाट एक नयाँ अनलाइन समाचारको शुभारम्भ भएको छ । विराट प्रकाशन प्रालिद्वारा सञ्चालित रातो तारा डट कम ( www.ratotara.com )ले आफ्नो कार्यको शुभारम्भ गरेको हो । विराटनगरमा आज आयोजित एक कार्यक्रमका बीच रातो तारा अनलाइन पत्रिकाको रेड एफएमको स्टुडियोमा सामूहिक रुपमा शुभारम्भ गरिएको हो ।

प्रा.लि.का अध्यक्ष एवं अनलाइनका सम्पादक स्वतन्त्र पत्रकार तेजेन्द्र भण्डारीका अनुसार अनलाइन पोर्टलले समाचार, राजनीति, अर्थ, वाणिज्य, मनोरञ्जन, अन्तर्राष्ट्रिय गतिविधिलाई प्रमुखताका साथ सम्प्रेषण गर्ने बताउनु भएको छ । सो अनलाईन पत्रिकाको कार्यकारी सम्पादकमा गणेश शिवाकोटी रहनुभएको भण्डारीले जनाउनुभयो ।

कार्यक्रममा बी एण्ड बी प्रशारण प्रालिका अध्यक्ष युवराज धाडेवा, निर्देशक हरि प्रसाई, प्रमुख कार्यकारी अधिकृत गणेश शिवाकोटी, वेभसफ्ट युनिभर्सिटीका प्रवन्ध सञ्चालक भवेश मण्डल, विनोद भण्डारी, जनहितका सम्पादक सत्यनारायण शर्मा, शिवम मिश्रलगायतको उपस्थिति रहको थियो ।

वेभसफ्ट युनिवर्सिटी प्रालिको प्रविधि संयोजनमा निर्माण गरिएको वेभसाइटको प्राविधिक सञ्चालनको जिम्मेवारी पनि स्वयं प्रालिले लिएको कार्यक्रममा जनाइएको थियो ।

चिहान खनेर अनुसन्धान सुरु

पथरीशनिश्चरे ,११ जेष्ठ । मोरङको केरौनस्थित चिसाङ खोलाबाट प्रहरीले शव गाडेको १० दिनपछि चिहान खनेको छ। आइतबार जिल्ला प्रहरी कार्यालय मोरङको निर्देशनमा इलाका प्रहरी कार्यालय पथरीले केरौन ४ घर भएका वर्ष २९ को अमृत लिम्बूलाई गाडिएको चिहान उत्खनन गरेको हो। इलाका प्रहरी कार्यालय पथरीका प्रहरी निरीक्षक रमेश बस्नेतको टोलीले खोलाको डिलमा गाडेको शवलाई निकाली पोष्टमार्टमको लागि धरान पठाएको छ।

लास सामान्य कुहिन थालेको थियो। लासलाई घरदेखि लगभग ३ किलोमिटर पश्चिम चिसाङ खोलामा लिम्बू परम्परा अनुसार गाडिएको थियो। लासको टाँउकोको अगाडि र पछाडिको भागमा गहिरो चोट लागेको भेटिएको प्रहरीले बताएको छ। मृतककी आमा देविमायाले आफ्नो छोराको हत्या भएको भन्दै किटानी जाहेरीसहित प्रहरीमा उजुरी दिएपछि प्रहरीले अनुसन्धान अगाडि बढाएको हो।

उनले छोराको हत्यामा संलग्न भएको कारबाहीको माग समेत गरेकी थिइन्। उनले केरौन १ का सइकुमार तामाङ सहित ५ जनाको नाममा किटानी जाहेरी दर्ता गराएकी थिइन्। उनको किटानी जाहेरीको आधारमा प्रहरीले घटनामा संलग्न व्यक्तिको खोजि गरेको थियो।

घटनामा संलग्न भनिएका तीन जना प्रहरीका आत्मसमर्पण गरेका छन्। केरौन १ का ३३ बर्षीय सईकुमार तामाङ, २६ बर्षीय हस्त गुरूङ र बाहुनी ९ राधानाघर भएको २८ बर्षीय राकेश गुरुङ प्रहरी सामु आफैं उपस्थित भएका हुन्। अरू दुई जनाको खोजी भइरहेको प्रहरीले बताएको छ। पक्राउ परेकाहरूबाट अनुसन्धान थालिएको र कर्तव्य ज्यान अनुसार मुद्दा चलाइने बस्नेतले बताए।

आमा देविमायाले प्रहरीमा दिएको बयान अनुसार वैशाख ३१ गते राति ८ बजेतिर कानेपोखरी-रंगेली सडक खण्डमा ३ वटा मोटरसाइकलमा आएका सइकुमार तामाङ नेतृत्वको समूहले अमृतलाई कुटपिट गरी गम्भीर घाइते बनाएको स्थानीयले बताएपछि थाहा भएको थियो।

‘त्यो दिन राति कति बेला आएर घरमा सुत्यो थाहा भएन बिहान ११ बजेसम्म नउठ्दा गएर ओछ्यानमा हेर्दा मृत्यु भइसकेको रहेछ,’ बयानमा भनेकी छन्, ‘गाउँका केही मान्छेले प्रहरीलाई खबर गरी पोष्टमार्टम गर्नुपर्छ पनि भनेका थिए, केहीले धेरै खर्च लाग्छ प्रहरीलाई नभन्नु आफ्नो रितिरिवाज अनुसार सदगद गरौ भनेपछि यस्तो गरेका हौ।’

स्थानीयको अनुसार मृतक लिम्बूलाई जेठ १ गते साँझ चिसाङ खोलामा लगेर गाडिएको हो। केही छिमेकीहरू मलामी गए पनि गाउँका अधिकांश मान्छे मलामी नगएको उनीहरूले बताएका छन्।

घटना घटेको ९ दिनसम्म पनि घटनास्थलबाट करिब ४ किलो मिटरमा दूरीमा रहेको स्थाई प्रहरी चौकी बयरवन र ६ किलोमिटर दूरीमा रहेको इलाका प्रहरी कार्यालय पथरी बेखबर थियो।

गाउँका राजनीतिक दलका नेता तथा बुद्धिजिवि समेत यो विषयमा मौन थिए। राजनीतिक दलका एक स्थानीय नेताका अनुसार आफूले ढिलै भए पनि जिल्ला प्रहरी कार्यालयमा खबर गरे पछि अनुसन्धान सुरू भएको दाबी गरे।

मृतकका आमा, दिदी र भेना घरमा बस्दै आएको छन्। उनकी श्रीमती बैदेशीक रोजगारका क्रममा विदेश गएकी छन्।

पर्पल कोलाहल

कान्स, जेष्ठ ११ गते ।कान्स फिल्म फेस्टिभलमा बलिउडको उपस्थिति ऐश्वर्या रायले नै सुरुवात गराएकी थिइन् । विश्व सुन्दरीसमेत भइसकेकी ऐशको कान्समा हुने रेड कार्पेट क्याटवाकमा निकै चर्चा हुँदै आएको थियो । खासगरी उनको फेसन र सुन्दरताको संयोजनलाई लिएर मिडियाले तारिफ गरेर थाक्दैनथे । तर यसपालि त्यस्तो भएन ।

रेड कार्पेटमा पर्पल लिपिस्टिक लगाएर पुगेकी ऐश यसपटक भने विवादित बनिन् । कतिपयले पर्पल लिपिस्टिक लगाउनुलाई ऐशको बहादुरी भन्दै बचाउ गर्नमा लागे भने अधिकांशले उनको फेसन सेन्सप्रति औंला उठ्याए । सम्भवत ऐशमाथि फेसनबारे उठेको विवाद यसपटकको सर्वाधिक चर्को मानिएको छ । सामाजिक सन्जालमा ऐशको पर्पल लिपिस्टिकलाई लिएर व्यंग्य गर्नेदेखि आलोचना गर्नेको संख्या बढ्दो छ ।

शुक्रबार मात्रै आफ्नो फिल्म ‘सरबजित’ को प्रमोसनमा उपस्थित भएकी ऐशले पर्पल लिपिस्टिक काण्डबारेमा मुख खोलेकी छन् । उनले भनिन्, ‘म जुन कम्पनीको ब्रान्ड एम्बेसडर छु, त्यसैले नै मेरो ड्रेसदेखि लिएर मेकअपसम्म तय गर्छ । यसमा मेरो कुनै राय वा धारणा हुँदैन ।’ ऐशले यसो भन्दै पर्पल लिपिस्टिक लगाउने आफ्नो योजना नरहेको पनि जिकिर गरिन् । ऐशले लगातार १५ वर्षदेखि कान्सको रेड कार्पेटमा आफ्नो सौन्दर्य प्रदर्शन गर्दै आएकी छन् । यसपटकको कमेन्ट्सबारेमा ऐशले खुलेर आफ्नो धारणा पनि पोखिन् ।

‘मैले पहिल्यै मेकअप आर्टिस्ट शार्लोटलाई लिपिस्टिक लगाउनुअघि हाँसोमा भनेकी थिएँ, ‘कतै म पिकासोजस्ती त देखिन्नँ नि ? तिमीलाई ठीक लागिरहेको छ नि ?’
ऐशले भने आफूलाई पनि पर्पल लिपिस्टिक मन परेको जिकिर गर्दै थपिन्, ‘शार्लोट एकदमै दक्ष मेकअप आर्टिस्ट हुन् । उनले पहिले पनि मलाई सुन्दर बनाउँदै आएका थिए ।’
कान्सको पहिलो दिन पनि शार्लोटकै डिजाइनमा सुनौलो पोसाकमा देखिएकी ऐशले नीलो आइस्याडो लगाएकी थिइन्, जसको धेरै प्रशंसा पनि भएको थियो ।

बलिउड पुरुष प्रधान उद्योग

मुम्बई , जेष्ठ ११ गते । बलिउड स्टार काजोल यो फिल्म उद्योगलाई पुरुष प्रधान उद्योग मान्दछिन् । ‘बलिउड पनि अरु सामान्य उद्योगजस्तै हो, जसमा पुरुषको महत्व र स्थान महिलाको भन्दा बढी छ,’ उनले अन्तर्वार्तामा भनिन् ।

बलिउड वा हलिउड दुवै उद्योगमा पुरुषको प्रभाव बढी भएको भन्दै उनले पारिश्रमिकमा पनि अन्तर रहेको बताइन् । ‘सबको आफ्नो काम अनुसार स्थान र पारिश्रमिक हुनुपर्छ । बलिउड वा हलिउड जुनसकै उद्योग होस, पुरुषले बढी महत्व पाउने गरेका छन्,’ उनले भनिन् ।

४१ वर्षको उमेरमा पनि बलिउडमा राम्रो स्थान बनाइरहेकी काजोल गत वर्ष शाहरुख खानसँग ‘दिलवाले’मा देखिएकी थिइन् । अभिनेता अजय देवगनसँग विवाह गरेकी काजोलका दुई सन्तान पनि छन् । तर, विवाह र उमेरले उनको करिअरलाई खासै असर गरेको छैन ।

होम प्रोडक्सनको फिल्ममा अभिनय गर्ने तयारीमा रहेकी काजोलले अहिले स्क्रिप्टको काम भइरहेको भन्दै फिल्मबारे धेरै जानकारी दिन चाहिनन् । उनका पति अजय भने अहिले ‘यु मि और हम’ पछिको आफ्नो दोस्रो निर्देशकीय प्रोजेक्ट ‘शिवाय’मा व्यस्त छन् ।

सिन्धुलीः नेकपा (क्रान्तिकारी माओवादी)का नेता सीपी गजुरेलले आफ्नो पार्टीभित्रको अन्तर संघर्षमा माओवादी केन्द्रका अध्यक्ष प्रचण्डले खेल खेल्दा रामबहादुर थापा ‘बादल’ले पार्टी फुटाएको अरोप लगाएका छन् ।

प्रचण्डले ठूलो षड्यन्त्र गरेर पार्टी फुटाए पनि सच्चा कम्युनिस्ट रहिरहेको बताए । सन्धुलीमाढीमा सोमबार आयोजित पत्रकार सम्मेलनमा उनले भने, ‘हाम्रो पार्टी भित्र आन्तरिक संघर्ष चलिएरहेका बेला ठूलाठूला षड्यन्त्र गरेर प्रचण्डको प्रवेश भयो । त्यसपछि एकाएक बादलजीले पार्टी फुटाएर जानुभयो ।’

उनले पार्टी फुटाउनुमा ठूलो धम्की र घेराबन्दी समेत सिर्जना भएको गजुरेलको भनाइ छ । उनले भने, ‘बाादलले पार्टी फुटाउदा ठूलो आधिवेहरी पार्टी भित्र चलेर पात पतिंगर जति उडाएर लगेको छ ।’

गजुरेलले प्रचण्डको नेतृत्वमा बनेको कम्युनिस्ट नेताको भीड नटिक्ने समेत बताए । उनले एकता नाममात्रैको भएको समेत आरोप लगाए ।

उनले प्रचण्डको पार्टी एकतालाई चुनावी मोर्चाकोे संज्ञा दिए । ‘यो चुनावका लागि लक्षित गरी गरिएको मोर्चा हो । यो धेरै समय टिक्दैन्,’ उनले थपे ।

माओवादी केन्द्रको जम्बो केन्द्रीय समितिलाई लक्षित गर्दै गजुरेलले प्रचण्डले पार्टीमा भर्ती केन्द्र बनाएको समेत आरोप लगाए ।

क्रान्तिकारी माओवादी अब संगठन विस्तारमा लाग्ने जानकारी दिदै गजुरेलले विचार मिलेमा विप्लवसँग एकता हुने बताए ।